بەرێ بکات

. ئەم ئەرکە بە گوردانی چیا سەر بە ناوچەی دیواندەرە سپێردرا و کاک قادری بەهرامی وەک فەرماندەی ئەم گوردانە دیاری کرا و هاوریانی گوردانی چیا بەوپەری ورەی بەرزەوە بنکەی ناوچەی دیواندەرەیان کە لە ئاوائی سرمۆسی لە سەرشیوی سەقز بو بەرەو هەوشار بەجێهێشت . پێشمەرگەکان پاش چەند رۆژ رێپێوان خۆیان دەگەیەننە ناوچەکە و هەرچەندە ئەم ناوچە بۆیان نامۆ دەبێت بەلام زۆر زوو بە هاوکاری خەلکی ناوچەکە خۆیان لەگەل شەرایەتی نوێ دەگونجێنن و دەست دەکەن بە گەران و جەولە لە ناو گوندەکانی ئەم دەڤەرە . لە هەمانکاتیشدا دەستەی شاناسائی گوردان بێکار دانانیشێت و دەست دەکەن بە شناسائی لە بارەگاو پایەگاکانی هێزە داگیرکەرەکانی رژیم لە ناوچەکە و بە تایبەتی لە ناو شاری تیکاب . پاش تێپەربونی دوو حەوتو گوردانی چیا لە ئاوائی تورکانبلاخ لە نزیکی تیکاب لە گەل هێزەکانی رژیم توشی شەر دەبن و زەربەیەکی باشیان لێدەدەن . پاش دو روژ روو دەکەنە ئاوائی کانی چەرمو . هێزە داگیرکەرەکانی کوردستان کە تەحەمولی حزوری هێزی پەشمەرگەی کۆمەڵەیان لەم دەڤەرە نەدەکرد دوای شەری تورکان بلاخ دەستیان دایە کۆ کردنەوەی هێز و هێزێکی زۆریان لە شارەکانی بیجار ، تیکاب ،دیواندەرە و سەقز کۆکردەوە رویان کردە ئاوائی کانی چەرمو کە پێشمەرگەکانی گوردانی حیای لێ بوو . بەرە بەیانی رۆژی 7ی سەرماوەز شەر لەنێوان پێشمەرگەکانی کۆمەلە گوردانی چیا لە لایەک و هێزی زۆر و زەبەلاحی داگیرکەری کۆماری ئیسلامی لەلایەکی ترەوە دەستی پێکرد . هەتا روناکی زیاتر دەبوو شەر گەرمتر دەبوو و پەلاماری بەکرێگیراونی کۆماری ئیسلامی بۆ گرتنی تەپۆلکەکانی زال بەسەر گوندەکەدا پەیتا پەیتا لە لایەن پێشمەرگەکانەوە بەرپەرچ ئەدرایەوە و تێک دەشکا و بە دەیان جەنازەیان لێ دەکەوت . ئەم شەرە قارەمانانە و حەماسیە تا تاریکایی هەوا درێژەی کێشا و پێشمەرگەکانی گوردانی چیا لەو کاتەدا گەمارۆی دوژمنیان شکاند و ئە شۆنەیان بەجێهێشت .لەم شەرە دا زیاتر لە 150 کەس لە بەکرێگیراوانی رژیم کوژران و ژمارەیەکی زۆریشیان لێ بریندار بو. بەلام ئەم شەرە قارەمانانە و حەماسیە بە بێ قربانی کۆتائی نەهات و کۆمەلە و بزوتنەوەی گەلی کورد 6 روڵەی قارەمان ، 6 تێکۆشەری فیداکار و یار و یاوەری چەوساوەکانیان لەدەست دا ، هاوریان کاک قادری بەهرامی فەرماندەی گوردانی چیا ، جه‌عفه‌ر که‌ مانگه‌ر(جه‌عفه‌ر که‌وانه‌ئی فه‌رمانده‌ی ده‌سته‌) ، حه‌بیب الله ئه‌مجه‌دیان(فه‌رمانده‌ی په‌ل ) ، سابری محمه‌دی (سابرحه‌سار چه‌رمو) جه‌عفه‌ر کرماشان ، و شه‌ریفی خودامرادپور لەم شەرە گیانی ئازیزیان به‌خت کرد و چونە ناو رێزی

گیانبەختکردوانی کۆمەلەوە .

لێرەدا کورتەیەک لە ژیان و تێکۆشانی کاک قادری بەهرامیتان پێشکەش دەکەم .

؛؛ سه‌ختی رێگای خه‌بات نابی ببێته‌ هۆی دودلی و رارائی ، ده‌بێ به‌رانبه‌ر به‌ سه‌ختیه‌کان کۆل نه‌ده‌ین و به‌ره‌وپێش برۆێن " له‌ وته‌ به‌نرخه‌کانی کاک قادر به‌هرامی ؛؛

به‌رز و به‌رێز بێت یادی هاوری قادری به‌هرامی ئه‌ندامی کۆمه‌له‌ و فه‌رمانده‌ی گوردانی چیا

کاک قادر له‌ ساڵی 1337ی هه‌تاوی له‌ ئاوائی قه‌لاریانه‌ی ناوچه‌ی دیوانده‌ره‌ له‌ دایک بوو . خۆیندنی سه‌ره‌تایی هه‌ر له‌ۆی ته‌واوکرد و خۆیندنی ناوه‌ندی له‌ شاری دیواندره‌ درێژه‌ پێدا . کاک قادر بو درێژه‌ی خۆیندن چ وه‌ شاری سنه‌ و له‌وێی ساله‌کانی ده‌بیرستانی ته‌واوکرد . کاک قادر له‌ ساله‌کانی 57 و ده‌وروبه‌ری شۆرش دژی رژیمی پاشایه‌تی له‌ گه‌ل خه‌باتی سیاسی ئاشنا بوو و له‌ راپه‌رینه‌کانی خه‌ڵک له‌ شاری سنه‌ ده‌ورێکی به‌رچاوی هه‌بو . هه‌ر له‌و سه‌رده‌مه‌دا و دوای ئاشکرا بونی خه‌باتی سیاسی و رێکخراوه‌یی کۆمه‌ڵه‌ ، کاک قادر له‌ گه‌ل کۆمه‌له‌ ئاشنا بو و وه‌ک خه‌باتکارێکی ئه‌م رێکخراوه‌ ده‌ستی دایه‌ چه‌ک و له‌ ناوچه‌ی دیوانده‌ره‌دا ده‌وریکی چالاکانه‌ی هه‌بو دژ به‌ ئاغا و ده‌ره‌به‌گه‌کان و له‌ دابه‌شکردنی زه‌وی به‌ سه‌ر جوتیاراندا هه‌لسوراوانه‌ به‌ شدار بو . هاوری قادر زۆر زوو توانی جێی متمانه‌ی هاوریانی به‌ده‌ست بێنێت و به‌رپرسایه‌تی چالاکی پیشمه‌رگانه‌ی له‌ زۆر شوێن له‌ ناوچه‌ی دیوانده‌ره‌ی پێدرا .

کاک قادر له‌وپه‌ری دڵسۆزی بو زه‌حمه‌تکێشان و خه‌لکی زولم لێکراوی کورد دا ۆێرای چالاکی پێشمه‌رگانه‌ یاریده‌ری ئه‌وان بو له‌ بواره‌ جۆراوجۆره‌کانی ژیانیاندا و له‌و جێگانه‌ی که‌ مه‌قه‌ری کۆمه‌له‌ی لێ بو به‌ منداله‌کانیان ده‌رسی ده‌وته‌وه‌ تا له‌ خۆیندن به‌جێ نه‌مێنن .

کاک قادر به‌ به‌رپرسی فێرگه‌ی کۆمه‌له‌ له‌ ناوچه‌ی دیوانده‌ره‌ ، فه‌رمانده‌هی هێزی کاوه‌ له‌م ناوچه‌و و ماوه‌یه‌ک ئه‌ندامی کومیته‌ی ناوچه‌ی دیوانده‌ره‌ و له‌ ئاخه‌رین ماموریتیشدا فه‌رماندهی گوردانی چیای به‌ئه‌ستۆ گرت . کاک قادر له‌ ته‌مه‌نی پێشمه‌رگایه‌تیدا ده‌یان شه‌ری حیماسی و پر له‌شانازی بو کۆمه‌ڵه‌ تۆمار کرد . له‌ چه‌ک کردنی سوپای رزگاری بگره‌ تا شه‌ری جبهه‌ ئی له‌ چه‌ک کردنی پایه‌گا و سزادانی به‌کرێگیراونی رژیم ده‌ورو نەخشی تایبه‌تی هه‌بو . کاک قادر فه‌رمانده‌هی شه‌ره‌ قاره‌مانانه‌ کانی کۆمه‌ له‌ی له‌ ئاوایه‌کانی ینگیرخ ، هه‌زارکانیان ، جافراوا ، خۆشمقام ، قالۆجه‌ ، ناوشاری دیوانده‌ره‌، کاقولی ، ده‌واخ ، برایماوا ، کانی چه‌رمو ،که‌ڵکۆژ ، بس و شاقه‌لاو و ده‌یان و سه‌دان شه‌ری دیکه‌ی به‌ئه‌ستۆ بو و تێدا زه‌ربه‌ی کاریگ ه‌ر و گورچکبریان له‌ هیزه‌ داگیرکه‌ر و به‌کرێگیراوه‌کانی رژیمی کۆماری ئیسلامی دا .

هاوریانی کاک قادر ده‌گێرنه‌وه‌ که‌ له‌هه‌ر مه‌موریه‌تێکدا که‌ کاک قادر مان له‌ گه‌ل ببوایه‌ت ئیحساس مان ده‌کرد ته‌واوی گوردانه‌که‌مان له‌گه‌له‌ ، کاک قادر له‌ ئاخرین کاته‌کانی ژیانیدا له‌ ئاوائی کانی چه‌رمو له‌ و په‌ری خۆینساردیدا له‌ گه‌ل خه‌لکی دێیه‌که‌ که‌ که‌وتبونه‌ به‌ر تۆپ بارانی رژیم قسه‌ی ده‌کرد و دڵخۆشیانی ده‌داوه‌ ، به‌لام به‌داخه‌وه‌ مه‌رگ مه‌ودای به‌ کاک قادر نه‌دا و له‌ سه‌عاتی 5ی ئێواره‌ی 7ی سه‌ماوه‌زی 1362ی هه‌تاوی دا که‌وته‌ به‌ر گوله‌ی به‌کرێگیراوانی رژیم و گیانی له‌ده‌ست دا و

بو هه‌میشه‌ به‌ جێێ هێشتین، به‌لام یاد و بیره‌وه‌ریه‌کانی کاک قادر بو هه‌میشه‌ له‌ دڵی ئیمه‌ و هاوریانی و خه‌لکی ناوچه‌ی دیوانده‌ره‌ دایه‌ .

به‌رز و به‌رێزبێت یاد و بیره‌وریه‌کانی کاک قادری به‌هرامی

حمید به‌هرامی

7ی سه‌رماوه‌زی1385

بۆ 7/9/1362 ساڵرۆژی گیانبه‌ختکردنی هاوڕێ قادر به‌هرامی

پيشکه‌شه‌ به‌ یادی به‌رزی شه‌هید قادر و هه‌موو شه‌هیده‌کانی کوردستان .

هه‌موو ئێواره‌یه‌ک

له‌ ڕسکانی یادێکته‌وه‌ خه‌مێک کڵپه‌ ئه‌سێنێ و

له‌ بێده‌نگی کۆڵانێکی نووته‌ک دا ئه‌بێ به‌ شینگێری ڕازێکی ژاناوی

هه‌موو ئێواره‌یه‌ک

چرایه‌ک باڵ ئه‌گرێته‌وه‌ به‌ ره‌و نسرمه‌کانی وون بوون و

به‌‌ خه‌یاڵی شه‌قامێکی چاوه‌ڕێداگوزه‌ر ئه‌کات .

باڵنده کان کۆچیان له‌ بیر ئه‌چێته‌وه‌

پرسیار _ پرسیار هه واڵی ناوه‌ختی سه‌فه‌ر

له‌ سووچی سه‌نگه‌ر ئه‌پرسن

ئه‌م ته‌رمه‌ به‌ره‌و کوێ ئه‌به‌ن ؟

به‌ره‌و کام لاپه‌ڕه‌ی سووری ئه‌م نیشتمانه‌ ڕه‌نگینه‌ به‌ڕێ ئه‌که‌ن ؟

شینی پرچی هه‌ڵوه‌ریوی کامه‌ دایکی بۆ ئه‌گێڕن ؟

به‌کامه‌ کانی و دڵۆپێک شه‌که‌تی ڕێگای ده‌رئه‌که‌ن ؟ ئ

ه‌م ته‌رمه‌ به‌ره‌و کوێ ئه‌به‌ن؟

گه‌ڵای سه‌رماوه‌زی تۆخه‌و هه‌لئه‌وه‌رێ؟!

ده‌نگی داگیرکه‌ری ئاخه‌ و ڕێچکه‌ ئه‌کا؟!

ڕه‌وه‌زی سه‌رلێشێواوه‌ ڕێگا ئه‌بڕێ!

کزه‌ کزی پیره‌ دایکی نیشتمانه‌ ئۆقره‌ ناگڕێ!

چنگی خاکه‌و له‌ یه‌خه‌ی مردن به‌ر ئه‌بێ!

کانیله‌ کان بۆ کۆچیان کرد ؟

گولله‌ بۆ له‌ چه‌ک ڕاپه‌ڕی؟

ووشه‌ی شێعره‌کان بۆ ڕۆ چوون ؟

لاپه‌ڕه‌کان بۆ کوێ فڕین ؟

باوه‌ش باوه‌ش زامی خه‌سته‌و پرچی ڕێگا په‌لکه‌ ده‌که‌ن ئه‌ ته‌رمه‌ به‌ره‌و کوێی ئه‌به‌ن ؟! ڕووبار ده‌یزانی شه‌پۆله‌ و له‌ باوه‌شی شۆرشێکی گڕ هه‌ڵگرتوو دووری ده‌خه‌ن

چاو ده‌یزانی گلێنه‌یه‌و سۆمای چاوانی خاک ئه‌به‌ن

زریکه‌ی مردنیان ته‌نی و تاڵی سه‌فه‌ریان گرته‌ به‌ر

بوون به‌ پێشه‌نگی کاروان و کراسی رقیان کرده‌ به‌ر !

...................................

بۆتۆئه‌ی هه‌ناسه‌ی شه‌خته‌لێدراوی شه‌وێکی شه‌که‌ت و

شنه‌ی باهۆزی ڕفێندراوی ووڵاتێک له ئاخ و ئاگر

بۆ تۆ که ده نگت به بیانووی بێ ووچانی باران ده‌چێت و

نیگات به‌ دووایین هه‌ڵوه‌رینی خاک له سه‌مای ساردوسڕی ئێواره‌یه‌کی تۆخ !

په‌نجه‌ت ئاگردانی هیواکانی نه‌زۆکی سه‌رده‌مه‌و

باڵات ته‌لاری هه‌ڵچووی زامێکی دێرین ! له‌چیرۆکی داڕژانی پاییز و سینگی ڕووتی دارستانێکی بێ باڵنده ،

گڤه‌ی خه‌مێکی سه‌ماکه‌رو

زریکه‌ی ڕچه‌ به‌ستووی هاوارێکی سوتێنه‌ر

ته‌نیا نیشانه‌ی مانه‌وه‌ت

تفه‌نگێک و

جانتایه‌ک و

نامه‌یه‌کی نه‌ خوێندراوه‌ له‌ درزی ده‌قی جامانه‌ و

سروودێکی تازه‌ پشکوتوی سه‌ر لێوت و

ئاڵایه‌ک به‌ به‌رزی باڵات ،

نا ئه‌م وه‌رزه‌ قه‌د ناتوانێ سه‌رماوه‌ز بێ و تۆی له‌ لانکی سه‌نگه‌ره‌وه‌ هه‌ڵگرتبێ !

که‌ چی وه‌رزه‌ هه‌رله‌ تۆوه‌ ده‌ست پيئه‌کاو

هه‌موو ئێواره‌یه‌ک که‌ دێ یادێکت ئه‌گه‌شێته‌وه‌

هه‌ناسه‌یه‌کت هه‌ڵئه‌فڕێ و

خه‌نده‌یه‌کت گوڵ ده‌رئه‌کات

باران له‌ مردن ناترسێ و

پڕبه‌ شنه‌ی یادی به‌رزت

هه‌موو ئێواره‌یه‌ک که‌ دێت و

لێوی ئه‌م خاکه‌ ته‌ڕ ئه‌کا !

ڕۆژین ـ ب