ناوچه‌ی ته‌نگه‌قیر ده‌كه‌وێته‌ سه‌ر رێگای ئیلام بۆ كرماشان‌و له‌ كوردستانی ئێراندایه‌. پێش لێدانی رێگای ئیلام- حه‌میل بۆ كرماشان ئه‌و ناوچه‌یه‌ یه‌كێك له‌ ناوچه‌كانی هه‌ره‌ شاخاوی‌و

ئاسته‌نگ له‌ پارێزگای ئیلام ده‌هاته‌ ئه‌ژماردن‌و كه‌متر كه‌سێك پێش لێدانی ئه‌و رێگای هاتووچۆی ئه‌و ناوچه‌یه‌یان كردبوو.

 

به‌ پێی ڕاپۆرته‌كان له‌ كاتی لێدانی رێگای ئیلام – حه‌میل بۆ كرماشان له‌ ناوچه‌ی ته‌نگه‌ قیر، دوو ئینسانی چووكه‌ په‌یدا كراون كه‌ یه‌كێك له‌و ئینسانانه‌ به‌ هۆی لێدانی به‌ردێك له‌ لایه‌ن شوانێك كه‌ له‌ شۆێنی رووداوه‌كه‌ ئاماده‌ بووه‌ ده‌كوژرێت‌و ئه‌وه‌ی دیكه‌ به‌ زیندوویی ده‌كه‌وێته‌ ده‌ستی كرێكارانی شیركه‌تی رێگا سازی‌و ئێستا له‌ لای ئه‌وان پارێزراوه‌.

ئه‌و ئینسانانه‌ كه‌ درێژاییه‌كه‌یان ته‌نیا 30 سانتیمێتره‌ له‌ سه‌ر باسكی راستی ئه‌و ئینسانه‌، گۆستیله‌یه‌كی ئینسانێكی ئاسایی هه‌یه‌ كه‌ نیشانده‌ری ئه‌ندازه‌ی باسكی ناوبراو له‌ گه‌ڵ قامكی ئینسانێكی ئاسایی یه‌. ئه‌و رووداوه‌ سه‌یر ‌و سه‌مه‌ره‌یه‌ له‌ نێو خه‌ڵكی ناوچه‌كه‌دا ده‌نگدانه‌وه‌ی زۆری هه‌بووه‌.