کاتێ له‌ به‌رانبه‌ر که‌سێکدا ئه‌بینمه‌وه‌‌ خۆم راسته‌خۆ ئه‌ڕواته‌‌ سه‌رباسی ئێران و بۆمی ئه‌تۆم

کاتێ بۆ ئارامی ده‌روون ئه‌رۆمه‌ گوێ جۆگه‌ و چۆم

له‌ ناکاو ئه‌که‌ومه‌ به‌ر شه‌پۆلی باسی بومی ئه‌تۆم

 

کاتێ له‌ مه‌یخانه‌م له‌ په‌نای شوشه‌ مه‌ی و تێشکی مۆم

پێش سه‌رخۆش بوون ئه‌که‌ومه‌ ژێر چه‌تری بۆمی ئه‌تۆم

کاتێک ئه‌رۆمه‌ سه‌ر شوێنی نووستنیی خۆم

چوارده‌ورم ئه‌گرن یاریچییانی شانۆی بۆمی ئه‌تۆم.

 

وێژه‌رانی (BBC) و تاران و ئیسرائیل و ئه‌مرێکا

ئه‌گرمێنن، ئه‌نه‌ڕێنن و ئه‌ڵێن: برۆ ده‌ر هه‌ر ئێستا -

جه‌نگی (ئه‌مریکا و ئیسرائیل) و ئێران ده‌س پێئه‌کا

ئه‌م جه‌نگه‌ به‌ربڵاوه‌،،، هه‌موو جهان وێران ئه‌کا.

 

بۆ رازاندنه‌وه‌ی‌ شانۆی 30ی ساڵه‌یان

رۆژێ سه‌رکوهی و‌ گه‌نجی ئه‌خه‌نه‌ زیندان

رۆژێ عبادی ئه‌که‌نه‌ دادوه‌ری زه‌مان

رۆژێ که‌هروبی و موسه‌و‌ی ئێننه‌ مه‌یدان

 

رۆژێ سێ گه‌ڕۆکی ئه‌مریکای

رۆژێ باڵویزخانه‌ی به‌ریتانیایی

ئه‌که‌ن به‌پێشپه‌رده‌ی ئه‌م شانۆ

تا سه‌رخۆش که‌ن ‌ئه‌من و ئه‌تۆ

 

‌گه‌ر باسی مافی مرۆف و خوێنرێژی ده‌وڵه‌تی‌ ئێرانه‌

خوێن نه‌ماوه‌ تا ئه‌و بیڕێژێت - له‌م جهانه‌

پشتپه‌رده‌ی شانۆکه‌یان روونه‌ له‌لای گشت

پاڵپشتی ده‌وڵه‌تی ئێرانن هه‌موویان، وردودرشت

 

 

سه‌عی سه‌قزی 1/12/2011

This e-mail address is being protected from spambots. You need JavaScript enabled to view it

 

 

 

 

‌ • نوسه‌ر:سه‌عی سه‌قزی